نفاخ = دوته هلبه
ي*** الدماغ= يجيب الصداع او يكسر في الدماغ
نوع نوعك نوع او نوعك نوع= مافيش زيك في التفكير والتصرف
مارشه فوق=دقه قديمه
زايده معاك=كفيت ووفيت
دير دوره وعطل=امشي ومترجعش تاني
فنزوزتك/زومتك/خنفورتك/رمتك=وجهك
في حاشيه ليبيا=معناها المكان بعيد هلللللللللللللبه
البنت هدي بيونضي=البنت هدي بيضاء هلبه يعني جبنه
جبنه =معناها بيضه لين خلاص
هاي ماي باي=تنقال لواحد صايرله الاحباط
شج/شنج=شن الجو
اجبد عليه=ماعاد تعدل عليه ولا تكلمه ولاتخالطه
فوتني=ومتدويش معاي
دوخه=واخد حاجه غلط
فاصل=مايندري عليها من زارقه ميندري علي شي
فجره = ماإديرلاش رقم
لصق وراك او لصق على الحيط = معناها الدوه كلها كذب
يتجكتر + يكوش =شابح روحه علي الجماعه
طرف = واحده او واحد قنين/ه
ارعا = خرف
يزلز= يكدب في كدب مش عادي
فرخ= صغير
بلبال= زي نفاخ
حاجه غبره=حاجه صح
شعبوط= وحدة دوشته هلبا يدير في العار مايعرفش يلبس ماعنداش اسلوب ولا اخلاق
عارعوري= اي حاجه يشبحها يديرها( في حاجات بايخه ومتجيش حد ايديرها )هوا اختصاصه
كساد او مكسدة او كسودي = هده الكلمة مشهوورة جدا جدا وتعني ممـل بشكل لافت جدا
كانسله = بمعني فوته اي لا تعير له اي اتهام
جاكاطوري = يعني شخص شايف روحه علي الجميع
قُضْه = اي عندها شخص يلعب في مبارة ويعمل حركة يراوغ فيها اللاعب
وتقال عندما يكون مع موعد مع شخص وصديقك يقول لك (( قضه )) اي لا تدهب له
مشنشنه = هده الكلمة تقال عندما يسألك شخص بسوال (( شنو الجو )) اي كيف الاحول عندك فترد (( مشنشنه ))
ادير في الجو = هده الجملة تقال عندما شخص يتلكم وكأنه لا يدري علي اي شئ يتحدت صديقه ولكنه يدري علي أي شي يتحدت صديقه ويجعل نفسه كأنه لا يدري
كبيده او مكبد عليه = هده الكلمة تقال عندما يكون لك صديق حميم جدا جدا
صقع عليك = تقال عندما يكون عندك شي مميز جدا جدا وعندما يري الشي هدا الصديق وينبهر ويسألك
(( من وين حصلتها)) فتقول له (( صقع عليك ))
أووما كبسة كبسة = اي بمعني الحدر تم الحدر
ياعيل = بمعني شخص تفكيره متل تفكير الاطفال فتقول له (( ياعيل ))
يبوز = تقال علي شخص عندما يمتلك شي مميز وهدا الشخص يبدأ بالتباهر بيه امام اصاحبه
إلصق فيه= إي لا تتركه ابدا مهما حصل
كره من ودانه = اي بمعني آتي بيه الشخص مهما حصل
