جيب معاي رسائل انشاء الله تعجبكم (وكل عام انتم بخير)
النعجة تبارك للكباش .. العيد اتحدد يا الحباب
النعجة اتزغرط فرحانه .. الغالي بيوصل لمكانه
النعجة تبعبع طربانه ,, بنفتكة من المنجوه واعوانه
النعجة تمسج للنعجات .. الحرية قريب يا صويحبات
النعجة تمسج للحوالي .. يومكم نعرف يا الغوالي
النعجة تمسج للشواه .. الغالي يوم الثلاث شواه
كبش العيد يكشك للجديان العيد موحد يا حبان
كبش العيد عطوه ردسة .. قالوله عيدك بالحسبة
كبش العيد اتكنظى طول .. بعد قالوله الحسبة مزبوظ
كبش العيد فرح بروحه .. قال ذبحتي مشروعه
كبش العيد مجهز نفسه .. يستنى مع الكباش الذبحه
كبش العيد مريح باله .. عام اللي فات اتبهدل حاله
كبش العيد فطن للجو *** يأكد علي الوقفة من تو
كبش العيد قفل نقاله ... قال الشعب الليبي حالة
كبش العيد قال خطوني **** بعد ترسو على العيد اتجوني
كبشي قايل يوم علي **** نحضر يوم الوقفه حي
كبش العيد كثر تخميمه **** خايف م الصدمه القديمه
lكبش العيد شكا للقاضى **** خايف من تكرار الماضى
كبش العيد اليوم تهنه **** اتفقوا بوعقال وبوشنه
كبش العيد تباعد شكه .... جاته تصريحة من مكة
كبش العيد خلاص تريح ....من الفرحة يجري وايصيح
الكبش ايكشك للجديان .... العيد توحد ياحبان
كبش العيد امشيط سومه ........... فرحان ايراجى فى يومه
كبش العيد اكثر بعباعه ............... يرجى فى الذبحه بالساعه
كبش العيد افلوسى اتريده ............ خلى حالى ع الحديده
خروف العيد لابس توتة ....يراجي في الوقفة مع خوته
الكبش يغني للنعجات *** العيد توحد يا حنات
كبشي قدم احتجاج *** ايريد العيد مع الحجاج
كبش العيد افرح قالوله *** معا الحجاج اعلان الدولة
كبش العيد مسح دمعاته *** يوم العيد الذبحه جاته
كبش العيد نظيف البشرة *** موديلا الفين وعشرة
كبش العيد كثر بعباعه *** يرجي في الذبحة بالساعة
كبش العيد اموسع باله ***يحكى فى قصة لعياله
كبش العيد فهم الجو..........يسأل عالوقفه من تو
امشوا قولوله كبش العيد ****** عربنا متفقين أكيد
كبش العيد ظروفه شينة ... ينظر في الأمواس بعينه
كبش العيد 2010 .. متشخشب يرجي في النشرة
بعد مكه دارت إعلان .. يجرى ويشلش فرحان
كبش العيد طلق زغروتة .. قال الوقفة جت مزبوطة
الكبش الليبي فى إبتهاج .. قال العيد مع الحجاج
كبش العيد أكثر تفكيره .. خايف مايديروش كبيره
كبش العيد مشى للقاضي ....قال رى يبقى كي العيد الماضي...
كبش العيـــد كــــرس فى الحقفـــــه .......خــــايف من مـــوضوع الوقفــــــه
كبش العيد امصوقر يومه *** تمت وقفتنا معلومة
انشاء الله عجبتكم (كل عام وجميع اعضاء منتدا بخير)
