لهانو علي لا خاطري ينساهم ....اللي ريت واجد مدلال امعاهم
ماكيفهم لاوالي ...انغاليتهم تقدر اتقول امغالي...اللي طيفهم ديما رفيق خيالي
ناظر زها واجد ايام غلاهم
مكيفهم توصيف... ولا في ربيع لا شتاء لا صيف...سحرني غلاهم نين تما كيف
نحزن ولا نفرح الا ابلقاهم
ماكيفهم مخلوق ...ولا الغيرهم يابا العقل ايروق ...ولا خاطري ينسى امرار الشوق
ولا نالي نقدر انعيش بلاهم
<<<<<<<<<<<<<<<<<
>>>>>>>>>>>>>>>>>>>>
مليت وانا انقول يانا يانا ...غير كيف تصبر يا عزيز بلانا
كيفك عدو... ظاق الجفى ياما بكو يجدو...لو كان يلقو يرجعو ويردو
واللي تحدى نربحو فرهانا
دونك جرب...لك وقت جافي عالغلى متهرب ...نحن غلانا فيه شيء ايطرب
موحال تلقى الحب غير امعانا
عيش ابروحك...بيدك بديت الجرح ذوق اجروحك...كابرت واجد غير هدي روحك
ايجيك الندم وتعود تبي ارضانا
>>>>>>>>>>>>>>>>>
<<<<<<<<<<<<<<<<<<<<
ضر العين عزيز اوعدى...غير الفايت مالا ردا
ضر العين ...جفاها وانظر داره وين ...الليل اتقسم فيه اثنين
مابين المشيه والرده
جفاها بيده ...غاليه والعين اتريده ...اخر ليل بعد تهميده
تملاه الباقي واتبده
طال اغيابه ...لهان ولا قسمي جابه...يانالي عانيت عذابه
بين ارجاه او طول المده
<<<<<<<<<<<<<<<<<
>>>>>>>>>>>>>>>>>>>>
لافالرفق لا فالغلى متهني...حظ اونصيب او قسم ماهو مني
لافالرفق لا فالغلى امرضيني ..والحظ في فرحه اتفرح عيني .حتى اللي درته دلال اسنيني
اليوم دارها و منا السوايا جني
يانااللي حظي اونصيبي هكي..ماانشوف غير اللي العين اتبكي .الله والنبي يا حظ دونك تكي
انسهريك بوجاعي وتعرف كني
>>>>>>>>>>>>>>>>>
<<<<<<<<<<<<<<<<<<<<
ماني سبب في اجروحك ياللي غلايا هنت ....بعد كنتلك وابروحك امعاي فالغلى قصرت
انتي سريبي بعد واروع غلا ضيعت ..هونتي او ودعت ..وين لعدا شاورت
ماني سبايب فيهن انت اللي باديهن..تهدم اللي بانيهن ..بيديك مااصورت
<<<<<<<<<<<<<<<<<
>>>>>>>>>>>>>>>>>>>
ليام مامنهن نجاه ليام ماهنشي اغطاه ...ليام مرى فالعلو مرات في سابع وطاه
ليام مايبن زعل لك يوم ويقولو رحل...فالله ماايغيب امل ندعيه ماايخيب رجاه
ليام مامنهن مفر ترحال للحلوه والمر...ماغيب عالدنيا اتمر بالخير خليه الكفاه
<<<<<<<<<<<<<<<<<
>>>>>>>>>>>>>>>>>>>>
نا انعاندك في يوم تلقى غيري ...وفوق العناد انراهنك حتجيني
دير ولايف .ورايف على اللي ماعليك ايرايف..موحال تلقى قلب كيفي خايف
عليك من ارياح العاديا يا طيري
ابروحك غامر .وخلي اقليبك بالسويا عامر..خليني مع جرحي ابروحي سامر
الجرح جرحي والسطير سطيري
>>>>>>>>>>>>>>>>>
<<<<<<<<<<<<<<<<<<<<
لاالجرح يبره ولا بلاك ايطيب ... ويبدا سطير الجرح وين اتغيب
الجرح مايرحم انكان تباعد .انت اوخيالك في خيالي قاعد..يرحل الصبر اللي الدمع ايساعد
واندير من لومي عليك سريب
الجرح لو تدري بلاك ايسطر.ايام فالضحكه المكان اتعطر..في غيبتك ياما الليل ايخطر
ويجيبلي منك او ياما ايجيب
<<<<<<<<<<<<<<<<
>>>>>>>>>>>>>>>>>>>>>
ميت موت خلاص دفنته ...صوب قديمين اتعيش انت
علي تواره...عدا كي رحلت بحاره ...جوني ومعاهم خباره
بيدي ابروحي كفنته
خلاص عليه...ماعد تنشدني ونجيه...شوقي ومرجاتي فيه
خان غلا ماعمري خنته
خلاص القيت...اللي معاه الياسات انسيت...والجرح القاسي داويت
بعد هان الخاطر طمنته
>>>>>>>>>>>>>>>>
<<<<<<<<<<<<<<<<<<<<<
في خاطري عيني اتسامح غالي...وتنسى مواجع سمراته الليالي
في خاطري تنساها..مواجع وجنها من اصحاب غلاها..حاولت في عيني اوحلت امعاها
خليتها نين غيمها يصفالي
في خاطري يا عيني.. تنسي خطاه اتسامحيه تعفيني..من حيرتي بيني او بين حنيني
من طيف مافارق نهار خيالي
في خاطري متمني..تلقي عذر تشتاقي خفاه وتحني..عدي السوايا لا جرن لا جني
لوهام ملقاهم اوهام خوالي
<<<<<<<<<<<<<<<
>>>>>>>>>>>>>>>>>>>>>>
انشاء يعجبكم
