مرحبا
اشهر كدبات وتبلعيط البنات في ليبيا
حصري
عاد ميجيش يابناويت نطلعو نحن اللى نكدبو بس
بعدين حتى الكدب من طرف واحد يخرب العلاقة عيييييييييب ههههههههههههه
اسمي سوزان والا سلمى والا حنان... (ياوالله عليك نصب تلقى اسمها زازيةوالا بركى والا مش عارف شنو )
حطيت تلفوني على الصامت وصليت ونسيت نحطة على العام ونمت.... (شافت رقمك وقالت لاحول ولاقوة الا بالله هذا وقته السامط)
تلفونها مشغول بعد ثلاث ايام-- هذي صديقتي مسكينه متضايقه وتهدرز معايا. (قاعده تتهرب من اللي قبلك "ما ندري امتى دورك")
ماشية للسوق مع أختي بعدين نتصل بيك..يعني(أقلب وجهك سمطتها )؟؟؟؟؟
..رصيدي تم ومانقدر نتصل بيك يعني ( هات كرت خمسة وكان بدير خير فيها حك جيبك وطلع كرت عشرة يالمنتف يالغبي)؟؟؟؟؟؟
...أحبك حبيبيي يعني ( في عاصفة جايتك في الطريق امسك روحك)؟؟؟؟؟؟
وادا كلمتها على المسنجر وماردت بسرعة معناتا (قاعدة مكسدة على شات تدور في شبوب حليوة تاني الله يفرج عليك)
...امتى أتكمل دراستك..(تلمح يعني تعال أتزوجني دونك ليها ماعندي مانقول )..؟؟؟
شن رايك تشريلي شفرة جديدة نكلمك عليها(فعلا تبي تكلمك عليها لأن الشفرة القديمة تعتبر للشاب الجديد
..حبيبي مافي حد يعرف إني انكلم فيك يعني ..(الا خالاتها وعماتها وصديقاتها يعرفو)..؟؟
...حبيبي صديقتي على الشفرة الثانية ..يعني (خلي مجال لغيرك ياذكي في حد تاني على القائمة)..؟؟
..تعبانه اليوم ونايضة من الصبح وكنت نطيب ونظف في المطبخ.. ( من الصبح وهي تكلم في الي قبلك )..؟؟
..حبيبي بكرة عيد ميلادي .(يعني صار لك فترة ماطلعت شي من جيبك يامنتف)..؟؟
..حبيبي أتحبني ( قاعدة تسمع في صاحباتها)؟؟؟؟؟؟؟
..حبيبي تيلفوني خارب يعني ( أفهم ياثور تحرك وجيب لها تلفون ثاني )؟؟؟؟؟
...حبيبي نبي صورتك يعني ( يعني بلغت عليك على طول يجبوك ماهو الصورة معاهم ياتنكة)؟؟؟؟؟
..حبيبي قلت لي أمي إني أحبك يعني(تبيك غصبن عنك تزوجها تبي والا ماتبي )..؟؟؟؟؟؟
..حبيبي كلهم يقولو انا حلوه..يعني ..(تي وراص الغالية الحويجة ماشافت الحلاوه )..؟؟؟
..حبيبي ضايق صدري ونفسيتي تعباانه.. يعني(اقعد مهرج وضحكها ونشطها)؟؟؟؟
...أهلي كشفوني يعني ( امسكت معاها في واحد تاني غيرك طاح سوقك ربي يفرج عليك)؟؟؟؟
..حبيبي بنسافر أنا وأهلي .. يعني ( أنسى أنك بتكلمها مره ثانيه مسكين برا استرزق وشوفلك وحدة تانية )؟
وفي النهاية خلاص بعد ماملت وعرفت ان برنامجك فاشل
حبيبي والله ما ندري شن بنقولك بس امي اليوم شكلها بتسحب التلفون مني ماترن عليا انا كان لقيت فرصه نرن عليك الله يخليك حبيبي راهو احبك فكر فيا ديما وانا ماني ناسياتك...إلخ (خلاص ضبطت علاقتها مع الجديد وانت برا الموضوع) ههههههههههه
وكان عرفت ان الكدبات الاولة ماصارش منهم في اخر كدبة وهده تعتبر الختامية لانها السلاح الفعال للقضاء والتخلص منك ياللصقة يا الاملس
- تتصل بيك وهي تبكي-وععععععع- انا انخطبت وما نبيه وباتي جابرني اني ناخدة...
اكبر تلميحه انها خلاص بتتركك وزع والقلب داعيلك هههههههه
*********************************
وفي نهاية يظلن بنات ليبيا جميلات وكدابات وبلعاطات ولايعجبهن العجب ولا الصيام في رجب
ربي يهديهن ويفرج عليهن
نبصر عليكم هههههههههههه
